Densaýlyq saqtaý mınıstrligi 21 qyrkúıektegi epıdemıologıalyq jaǵdaıdy málimdedi.

Mınıstrik málimetinshe, Qazaqstanda ótken táýlikte PTR arqyly 2093 adamnan koronavırýs, 18 adamnan pnevmonıa anyqtalǵan.

19 qyrkúıektegi derek boıynsha, elde koronavırýstan 47, pnevmonıadan 11 adam kóz jumǵan. 

El boıynsha koronavırýsqa tapsyrǵan testi oń nátıje kórsetken jaǵdaılardyń jalpy sany 864 955-ge jetti. Koronavırýs belgileri bar pnevmonıamen aýyrǵandardyń resmı sany – 74 110.

Koronavırýs ınfeksıasyna qarsy vaksınanyń 1-komponentin 7 334 870 adam, 2-komponentin 6 201 253 adam saldyrǵan.

21 qyrkúıektegi málimet boıynsha, 68 803 adam koronavırýs ınfeksıasynan emdelýde, olardyń ishinde 12 381 pasıent stasıonarda, 56 422 naýqas ambýlatorıalyq deńgeıde em qabyldaýda.

987 adamnyń jaǵdaıy aýyr, 261 pasıenttiń jaǵdaıy óte aýyr, 143 naýqas ÓJJ apparatynda jatyr.

"Qyzyl" aımaqta Nur-Sultan, Almaty qalalary, Aqmola, Aqtóbe, Qaraǵandy, Qostanaı, Pavlodar oblystary ornalasqan.

"Sary" aımaqta Shymkent qalasy, Atyraý, Almaty, Qyzylorda, Soltústik Qazaqstan, Batys Qazaqstan, Shyǵys Qazaqstan oblystary tur.

"Jasyl" aımaqta - Túrkistan, Jambyl, Mańǵystaý oblystary.