Reseı, Qytaı jáne Pákistan Eýrazıa saýda jáne qaýipsizdik samıtinde Talıban basqaratyn Aýǵanstandy jahandyq ekonomıkaǵa tez ıntegrasıalaýǵa shaqyrdy.

Shanhaı Yntymaqtastyq Uıymy Irannyń toǵyzynshy tolyqqandy múshe retinde qabyldanǵanyn jarıalady.

Habarlandyrýlar Tájikstan astanasy Dýshanbede ótken samıtte aıtyldy.

Bul ǵalamdyq iri kúshterdiń teke-tiresteri kúsheıip kele jatqanyn kórsetkendeı boldy.

Amerıka Qurama Shtattary Tegerandy ıadrolyq jáne zymyrandyq baǵdarlamalary men Taıaý Shyǵystaǵy qarýly toptardy qoldaýy úshin oqshaýlaýǵa jáne qysym kórsetýge tyrysyp jatyr.

Jaqynda ǵana AQSH, Ulybrıtanıa men Avstralıa Qytaıǵa qarsy turý úshin jańa qaýipsizdik blogyn qurǵanyn jarıalaǵan. 

SHYU Talıban úkimetine qoldaý kórsetýge shaqyrady jáne mıllıardtaǵan halyqaralyq kómek qarjysyn jarıalady. 

Aıta keteıik, jaqynda Vashıngton, London jáne Kanberra "Aukus" qaýipsizdik kelisimin jasaǵan. Kelisim boıynsha, odaqtastar kıber múmkindikterin, jasandy ıntellekt jáne basqa da teńiz asty tehnologıalaryn ózara bólisedi. Qaýipsizdik kelisimine qol qoıylǵannan keıin Qytaıdyń memlekettik gazeti Avstralıa Beıjińniń ıadrolyq soqqysynyń nysanasyna aınalýy múmkin ekenin málimdegen.