Shymkent qalasy ákiminiń birinshi orynbasary Shyńǵys Muqan Qarataý aýdandyq jastar ortalyǵynda qala jastarymen erkin formatta kezdesip, suhbat qurdy. İs-shara qalalyq «Jastar resýrstyq ortalyǵy» KMM-niń Qarataý aýdandyq bólimshesiniń uıymdastyrýymen ótti.

Kezdesý barysynda Shyńǵys Jumabekuly ortalyqtyń jumys barysymen tanysyp, qala jastarynyń ózekti máseleleri men qyzyǵýshylyqtary jaıynda erkin formatta suhbat júrgizdi.

İs-sharaǵa ár salanyń belsendi úzdikteri, qalamyzǵa belgili jas kásipker, jas rejıser, muǵalim, kompozıtor, dızaıner, qolónershi, bıshi, jas aqyn, jas sýretshi, eriktiler, pikirsaıysshylar, jalpy 20-ǵa jýyq talantty jastar qatysyp, belsendilik tanytty.

Kezdesý barysynda qala ákiminiń birinshi orynbasary jeke ómirinen qyzyqty sáttermen bólisip, eńbek tájirıbesin aıtyp berdi. Búgingi jastardyń qyzyǵýshylyqtary jaıynda pikir almasyp, suraqtarǵa jaýap berdi.

Erkin formattaǵy mundaı júzdesýler aýdandyq jastar ortalyqtarynda turaqty túrde ótetin bolady.