Shymkentte jumyssyz jastarǵa arnalǵan «Múmkindikter alańy» atty bos jumys oryndarynyń jármeńkesi ótti. Atalmysh is-sharada eki qolǵa bir kúrek tappaı júrgenderge 9 myńnan asa turaqty bos jumys oryndary usynyldy. Aıta keteıik, bul jármeńkege jas mamandarǵa jumys berýshi 50-ge jýyq mekeme qatysty.

Jumyssyzdyqpen kúresý jáne onyń aldyn alý maqsatynda qalamyzda bos jumys oryndar jármeńkesi ótti. Sharada 50-ge tarta mekeme qatysyp, jastarǵa 9 myńnan astam bos jumys ornyn usyndy. Olar medısınalyq, tehnıkalyq, pedagogıkalyq, jeńil ónerkásip jáne qyzmet kórsetý salalary boıynsha turaqty jáne ýaqytsha bos jumys oryndary. Sharanyń ashylýyna qalalyq jumyspen qamtý jáne áleýmettik qorǵaý basqarmasynyń basshysy Balmarjan Narbekova qatysty.

Búginde 8,5 myńnan astam adam jumyspen qamtý ortalyǵynda tirkeýde tur. Onyń 5 myńy jumyspen qamtý sharalaryna qatysýda. Jumys izdep kelýshiler arasynda elektrık, kúzetshi, eden jýýshy, aýla sypyrýshy syndy jumystar da suranysqa ıe boldy.

Sondaı-aq, aýysymdyq ádispen jumys izdep júrgender bar. Jumys izdeýshilerdiń qatarynda búginde bala kútiminde otyrǵan eki balanyń anasy – Gýlnoza Sabýrova da boldy. Ol óziniń bos ýaqytynda qosymsha tabys tabý maqsatynda qaladaǵy saýda oryndarynyń birinen ýaqytsha jumys tapsam dep otyr.

Sonymen qatar, jármeńkede «Eńbek» memlekettik baǵdarlamasy sheńberinde jumys kúshi tapshy óńirlerdi qamtamasyz etý maqsatynda azamattardy Soltústik óńirlerinen jumys oryndary usynyldy. Baǵdarlamaǵa qatysýshylar Pavlodar oblysyna jumysqa ornalasýǵa múmkindik alady. Sol oblystaǵy jumyspen qamtý jáne áleýmettik baǵdarlamalar basqarmasynyń kóshi-qon bóliminiń basshysy Merýert Esembaeva arnaıy suhbat berip, baǵdarlamaǵa kimder qatysa alatynyna toqtaldy.

Aıtýynsha, baǵdarlamany júzege asyrý úshin respýblıkalyq búdjetten 2 600 otbasyǵa kvota bólingen. Búginde Pavlodar oblysyna 2 200 otbasy qonys aýdaryp, jumyspen qamtylǵan. Al qalǵan 400 otbasyny aldaǵy ýaqytta kóshirý josparlanyp otyr.

Aıta ketsek, jyl basynan beri «Eńbek» memlekettik baǵdarlamasy sheńberinde 18 myńnan astam shymkenttikter jumyspen qamtý sharalaryna qatysty. Onyń ishinde 2384 azamat turaqty jumyspen qamtylǵandar bolsa, qalǵan 102 azamat alǵashqy jumys orny jobasymen qyzmetke joldanǵandar.