Qalada sońǵy aptada epıdemıologıalyq ahýal turaqtala bastady. Shymkent qalasy epıdemıologıalyq jaǵdaı boıynsha «sary aımaqqa» endi.

Shymkent qalalyq densaýlyq saqtaý basqarmasynyń basshysy Baqytjan Pozılovtyń aıtýynsha, qalada 45 bekette vaksınalaý jumystary júrgizilýde. Egý naýqany bastalǵaly barlyǵy 477 496 adam vaksınalandy. Onyń ishinde 392 630 adam ekpeniń eki komponentin aldy.

Búginde medısınalyq qyzmetkerlerdi vaksınalaý 100 paıyz, quqyq qorǵaý qyzmetkerlerin 100, muǵalimder 183, sozylmaly aýrýlary bar azamattar 95, stýdentterdi vaksınalaý 109 paıyzǵa oryndaldy. Azamattarǵa vaksınanyń Spýtnık, QazCOVID-In, Hayat-Vax, CoronaVAC, Vero CELL túrleri egilýde.

Qala ákimdigi janynan ashylǵan call-center táýlik boıy jumys isteıdi. Qaladaǵy bıznes sýbektileri úshin «Ashyq» jobasy engizilgen bolatyn. Shaharda ASHYQ jobasyna qosylǵan bıznes sýbektileriniń sany 8 547-ge jetti. Qazirgi kezde 521 turǵynnan «sary» statýs, 1310 turǵynnan «qyzyl» statýs anyqtalyp otyr.

Sondaı-aq, búginge deıin barlyq aýdan boıynsha 35356 nysanǵa tekserý jumystary júrgizildi. Onyń ishinde 2417 karantındik talaptardy buzý faktileri tirkeldi.