Prezıdenti Qasym-Jomart Toqaev jumysshylaryn ereýilge ádeıi ıtermeleıtin kompanıalarǵa tekseris júrgizýdi tapsyrdy. Bul týraly ol Mańǵystaý oblysyna jumys sapary barysynda aıtty.
Toqaevtyń aıtýynsha, keıbir kompanıalar halyqty qalqan etken bolyp, memleketten aqsha alýdy kózdeıdi. Keıin bólingen aqshany jumysshylarǵa bermeı, óz qaltasyna basady. Prezıdent eńbek daýlarynyń edáýir bóligi QazMunaıGazdyń enshiles kompanıalarynan shyǵyp jatqanyn atap ótti. Olardyń tarapynan tıisti jumys atqarylǵanymen, bul jetkiliksiz ekenin alǵa tartty.
Prezıdent Samuryq-Qazyna men QazMunaıGaz kompanıalaryna bul máselemen myqtap aınalysýdy tapsyrdy.
– Keıbir jeke kompanıa basshylary jumysshylaryn ereýilge ádeıi ıtermeleıdi. Bul kompanıalardyń tizimi mende bar. Maqsaty – halyqty qalqan etken bolyp, memleketten aqsha alý. Biz muny bilemiz. Olar bólingen aqshany jumysshylarǵa bermeı, óz qaltasyna basady. Mundaı qıturqy árekettiń jolyn kesý kerek. Osyndaı kompanıalarǵa aýdıtorlyq jáne taǵy basqa tekserý júrgizý kerek", - dedi Toqaev Mańǵystaý oblysyn áleýmettik-ekonomıkalyq damytý týraly jıynda.
Pikir qaldyrý