Syrtqy ister mınıstrligi Qazaqstannyń vaksına pasportymen karantındik shekteýlersiz qaı elderge kirýge bolatynyn habarlady.  

"Grýzıa, Qyrǵyzstan, Majarstan, Moldova, Mońǵolıa, Taıland, jáne Túrkıanyń ýákiletti organdarymen vaksınalaý pasporttaryn ózara taný jumystaryn júrgizdi.

Osylaısha koronavırýstyq ınfeksıaǵa qarsy vaksınalaýdyń tolyq kýrsynan ótken Qazaqstan jáne joǵaryda atalǵan elderdiń azamattary COVID-19-ge qarsy vaksınalaý pasporttary negizinde memlekettik shekaralardy karantındik shekteýlersiz (PTR test tapsyrý, ózin-ózi oqshalaý jáne t.b.) kesip óte alady" delingen habarlamada. 

Sonymen qatar Belarýs, Vetnam, Mysyr jáne Oman sıaqty elder sheteldik memleketter týrıserge kirýdi jeńildetti. Tek sheqaralyq ótkizý pýnktterinde COVID-19-ge qarsy vaksınalaýdy rastaıtyn qujatty usyný jetkilikti.

Al Argentına, Armenıa, Ázerbaıjan, Iordanıa, Indonezıa, Marokko, Ózbekstan, Reseı, Fılıppınder jáne t.b. memlekettermen COVID-19-ge qarsy vaksınalaý pasporttaryn ózara taný boıynsha kelissózder júrgizilip jatyr.