Qazaqstanda 9-synyptan keıin kolejge oqýǵa túsken balalar úshin oqý tegin bolady. Bul týraly premer-mınıstriń orynbasary Eraly Toǵjanov málimdedi.
– Kolejderde oqýǵa nıet bildirgen 9-shy synyp túlekterin 100 paıyzǵa tegin oqýmen qamtý josparlanýda. Jyl saıyn 9-shy synyptan keıin 30 myń bala kolejderde aqyly negizde oqýda.
Olardyń birazy qarjylyq qıyndyqtaryna baılanysty kolejderdi oqýyn bitirmesten tastap ketetin jaǵdaılar da joq emes. Sondyqtan jastardy, onyń ishinde ásirese az qamtylǵan otbasydan shyqqan balalardy qoldaý maqsatynda oqýǵa nıet bildirgen barlyq 9-synyp túlekterine kolejderde tegin bilim alýǵa múmkindik jasalatyn bolady, – dedi premer-mınıstriń orynbasary.
Pikir qaldyrý