Densaýlyq saqtaý mınıstrligi 28 qyrkúıek kúngi epıdemıologıalyq jaǵdaı týraly aqparatty jarıalady.
Vedomstvo málimetinshe, ótken táýlikte PTR test arqyly 1925 adamnan koronavırýs, 220 adamnan pnevmonıa anyqtalǵan. 27 qyrkúıekte 42 adam koronavırýstan, 10 adam pnevmonıadan kóz jumǵan.
29 qyrkúıektegi málimet boıynsha, 61 490 adam koronavırýs pen pnevmonıadan emdelip jatyr. Olardyń ishinde 10 368 pasıent stasıonarda, 51 122 naýqas ambýlatorıalyq deńgeıde em qabyldaýda.
İndetke shaldyqqandar arasynda 848 adamnyń jaǵdaıy aýyr, 207 pasıenttiń jaǵdaıy óte aýyr, 126 naýqas ÓJJ apparatynda jatyr.
29 qyrkúıektegi málimet boıynsha Qazaqstanda 7 594 542 adam koronavırýsqa qarsy vaksınanyń İ komponentin, 6 500 573 adam II komponentin saldyrǵan.
Pikir qaldyrý