Jambyl oblysynda áskerı qoımadaǵy jarylystan qaza tapqan azamattar men olardyń áıelderiniń bank aldyndaǵy qaryzy keshirildi. Bul týraly oblys ákimi Berdibek Saparbaev óńirlik komýnıkasıalar qyzmetiniń baspasóz alańynda aıtty.

Qarjy naryǵyn retteý jáne damytý agenttigi Jambyl oblysynyń ákimdigimen, banktermen jáne ózge de qarjylyq uıymdarmen birlesip, Baızaq aýdanyndaǵy jarylystan qaza tapqan azamattardyń otbasylarynyń boryshtyq júktemesin azaıtý jóninde sharalar qabyldaǵan.

– Banktermen, mıkroqarjy uıymdarymen jáne kolektorlyq agenttiktermen júrgizilgen jumystarymyz nátıjesiz aıaqtalǵan joq. Tótenshe oqıǵa saldarynan qaıtys bolǵan qaryz alýshylar men olardyń artynda qalǵan jesirleriniń bereshekterin tolyq kólemde esepten shyǵarý jóninde biryńǵaı sheshim shyqty. Búgingi tańda 47 nesıe boıynsha bereshek tolyǵymen óteldi, – dedi oblys ákimi.

Eske sala keteıik, 26 tamyz kúni Baızaq aýdanynda ornalasqan 28349 áskerı bólimi aýmaǵynda bolǵan órt pen jarylys kezinde 17 azamat kóz jumǵan. 1 adam habar-osharsyz ketken. Qaza bolǵandardyń arasynda tótenshe jaǵdaılar departamentiniń, prokýratýranyń qyzmetkerleri men áskerı qyzmetshiler bar.