Búgin qala ákimi Murat Áıtenov «Shymkent 2200: Týrısik kreatıvti qala beınesi» forým-kórmesine qatysyp, barsha qala turǵyndaryn 27 qyrkúıek – Dúnıejúzilik týrızm kúni merekesimen quttyqtady.

«Memleket basshysy týrızm ındýstrıasy ekonomıkalyq ósimniń mańyzdy draıveri bolýy tıis ekendigin aıtty. Álemdegi kóptegen qalalardyń ekonomıkasy týrızm tabysynan quralady. Osy múmkindik Shymkent qalasynyń damý baǵdary bolýy kerek. Týrısik kreatıvti qala qalyptastyrý boıynsha búgingi forým-kórmede qalamyzda týrızm ındýstrıasyn damytý múmkindikteri qarastyrylady. Qala aýmaǵynda ejelgi Saıram turǵyn alabynda sopylyq ilimniń negizin qalaýshy Q.Iasaýıdiń týǵan jeri, sondaı-aq ata-anasy «Ibragım ata», «Qarashash ana» keseneleri ornalasqan. Sondyqtan ońtústik óńiriniń tarıhı-sakraldy týrızmine saıahat Shymkent qalasynan bastaý alady»,- dedi M.Áıtenov.

Forýmda kreatıvti ındýstrıalardy damytý jónindegi jobalyq keńseniń jetekshisi Danat Jýmın, «Salem Coffee» jáne «Global Coffee» kofehanalar jelisiniń negizin qalaýshy Aıat Azımov, Shymkent qalalyq «Atameken» kásipkerler palatasynyń dırektory Nurlan Qabyshtaev jáne basqa da týrısik qyzmet kórsetetin kásip ókilderi jetistikterin aıtyp, ıdeıalarymen bólisti.

İs-shara aıasynda qalalyq týrızm jáne syrtqy baılanystar basqarmasy, Nur-Sultan qalasynyń ınvestısıalar jáne kásipkerlikti damytý basqarmasy, Qyzylorda oblysy kásipkerlik jáne týrızm basqarmasy, M.Áýezov atyndaǵy OQMÝ arasynda, sonymen qatar, «Visit Shymkent» týrısik aqparattyq ortalyǵy men «Taraz týrızm», «OCA TRAVEL» týrısik agenttigi arasynda eki jaqty kelisimge qol qoıylyp, jeńimpazdar marapattalatyn bolady.