Búgin «Shymkent 2200: Týrısik kreatıvti qala beınesi» konkýrsynyń jeńimpazdary marapattaldy. Konýrs jeńimpazdaryna nomınasıany qala ákiminiń orynbasary Maqsut Isahov tabystady.

Konkýrsqa qala turǵyndarynan medıa, IT-joba, kreatıvti arhıtektýra, týrızm salasyndaǵy kreatıvti qyzmetter, qalanyń qolóner brendy jáne gastronomıa syndy 6 baǵyt boıynsha 70-ten asa joba kelip tústi. Komısıa qorytyndysy boıynsha úzdik jobalar anyqtaldy.

Onda «Shymkent qalasynyń jańa qolóner ortalyǵy men buıymdary» jobasyn usynǵan Beısbekov Bolatbek «Qalanyń úzdik qolóner brendi» nomınasıasyn alsa, «Virtual tour Shymkent» jobasymen Baıdilbaev Ernazar «IT» baǵytyndaǵy úzdik joba nomınasıasyn ıemdendi. Al, Mahmýdova Nasıba «Shymkent city Complex» jobasymen «Kreatıvti arhıtektýra» baǵytyndaǵy úzdik joba nomınasıasyn jeńip aldy.

«Úzdik gastronomıa» baǵytyndaǵy nomınasıany Nıazbek Daýlet «Fýd-kort temir joly» jobasymen, úzdik dep tanylǵan jumystyń biri «Mobıldik aqparattyq ortalyq» jobasy «Týrızm salasyndaǵy kreatıvti qyzmetter» nomınasıasy Sembaı Jasulanǵa berildi. «Qoǵamdyq hromokeı» jobasyn usynǵan Sarman Laýra «Medıa» baǵytyndaǵy úzdik joba nomınasıasyna ıe boldy.

Odan ózge, «Next Art Shymkent Virtual Museum App» jobasy - jyldyń úzdik jyl jańalyǵy, «Pıssany dronmen jekizý» jobasy – úzdik bıznes joba, «Ulttyq qyzǵaldaq keıiptegi sývenırler» jobasy – úzdik ulttyq joba, «Shymkent qalasyndaǵy jańa Etnopark» jobasy – úzdik ǵylymı joba, «Jańa formattaǵy sensorly LED-ekrandar» ornalastyrý jobasy – úzdik ınovasıalyq joba, «Metalýrgter saraıyn» jandandyrý jobasy – úzdik áleýmettik joba nomınasıalary berildi.

Barlyq qatysýshyǵa baǵaly syılyqtar jáne sertıfıkattar tabystaldy.

İs-shara aıasynda qalalyq týrızm jáne syrtqy baılanystar basqarmasy, Nur-Sultan qalasynyń ınvestısıalar jáne kásipkerlikti damytý basqarmasy, Qyzylorda oblysy kásipkerlik jáne týrızm basqarmasy, M.Áýezov atyndaǵy OQMÝ arasynda, sonymen qatar, «Visit Shymkent» týrısik aqparattyq ortalyǵy men «Taraz týrızm», «OCA TRAVEL» týrısik agenttigi arasynda eki jaqty kelisimge qol qoıyldy.