Qala turǵyndaryn elektr energıasymen qamtamasyz etý boıynsha atqarylyp jatqan jumystardyń nátıjesinde, Abaı aýdany keler jyly sapaly elektr energıasymen 100 paıyz qamtamasyz etiledi.

Jalpy Abaı aýdanynda 34 eldimeken bolsa, ondaǵy turǵyndardyń barlyǵy elektr jaryǵymen qamtylǵan. Onyń ishinde 8 eldi meken sapaly elektr energıasyn jetkizýdi qajet etedi.

Atalǵan eldi mekenderdi sapaly elektr qýatymen qamtamasyz etý maqsatynda osy jyly búdjet esebinen 3,4 mlrd. teńge qarjy bólinip, búgingi kúni qurylys jumystary júrgizilýde.

Atap aıtqanda, Nurshýaq, Jańatalap, Yntymaq-2, Batys, Aıkól, Igilik, Táýelsizdikke 20 jyl, Aqjar eldi mekenderinde elektr jelileri men baǵanalaryn ornatý jumystary júrgizilýde. Qurylys jumystarynyń aıaqtalý merzimi 2021 jyldyń sońyna deıin jáne 2022 jylǵa ótpeli.