Shymkent qalasy Qarataý aýdanynyń ákimi A.Áliqulov qala ákimdiginiń «Instagram» paraqshasynda ótken tikeleı efırde atqarylǵan jumystardy baıandap, túrǵyndar saýalyna jaýap berdi.

Qala ákiminiń tapsyrmasyna sáıkes, turǵyndardyń ózekti máselelerin baqylaýǵa alý, zań aıasynda sheshý, halyqpen keri baılanys ornatý maqsatynda aýdan ákimi ınjenerlik ınfraqurylym júıeleriniń qurylysy, aýlalardy abattandyrý boıynsha negizgi jumystardan habardar etti. Aýdanda 47 202 jeke turǵyn úıdiń 36 324-i ıaǵnı, 77 %-y táýlik boıy sapaly aýyz sýmen qamtylǵan. 5 937 turǵyn úı keste boıynsha, 4 941 úı tasymal sýdy tutynady.

Aýdanda Kómeshbulaq sý jınaqtaýyshysynan Turan shaǵynaýdany aınalma jolyna deıingi, dıametri 920 h 10 mm, uzyndyǵy 4,48 shaqyrym sýaqqy qurylysy 2020 jyldyń mamyr aıynda bastalǵan bolatyn. Merdiger mekeme «Saryaǵash-Aman» JSHS qurylysty jeltoqsan aıyna deıin aıaqtaýdy josparlap otyr. Turan shaǵynaýdanyn (1-kezek) aýyz sýmen qamtamasyz etý boıynsha 62,7 shaqyrym ishki oramdyq júıeleriniń qurylys jumystary júrgizilýde.

Dostyq shaǵynaýdanynda (2-kezek) 116,5 shaqyrym ishki oramdyq júıeleriniń qurylysy aıaqtalyp, sý eseptegish quraldary ornatylýda. Azat shaǵynaýdanynda qazirgi tańda abonentteý jumystary júrgizilýde. Asar-2 shaǵynaýdanynda ishki oramdyq júıeleriniń qurylysy qazan aıynda aıaqtalady. Atalǵan jumystar aıaqtalýyna oraı, sapaly aýyz sýmen qamtylý kórsetkishi 83,5 %-ǵa jetedi.

Aýdanda sapaly elektr qýatymen qamtý boıynsha da birqatar qurylys jumystary qolǵa alynǵan. Turan shaǵynaýdanynda elektr júıeleriniń qurylysy «ABM Bıldıng» JSHS tarapynan júrgizilýde. Nysandy tapsyrý merzimi – 2021 jyldyń qarasha aıy. Tassaı turǵyn alabynda qazirgi tańda abonentteý jumystary atqarylýda.

Sondaı-aq, Qaınarbulaq turǵyn alabynda magıstraldy gaz qubyrynyń qurylysy qarashada aqtalady. Dostyq jáne Asar-2 shaǵynaýdanynda ishki oramdyq júıeleriniń qurylys jumystary qarasha aıynda aıaáqtalyp, el ıgiligine beriledi.

2021 jyly aýdan aýmaǵynda Aqjaıyq, Azat, Bozaryq, Nurtas, Asar-2, Qaıtpas shaǵynaýdandary men Saıram, Shapyrashty, Ormanshy, Mártóbe, Qaınarbulaq, Ótemis, Tasken, Dostyq, Tassaı turǵyn alaptarynda uzyndyǵy 42,3 shaqyrym 38 kóshege ortasha jóndeý jumystary atqarylýda. Aýdan ákimi efır barysynda turǵyndardyń ınfraqurylym, áleýmettik máseleler boıynsha joldaǵan saýaldaryna jaýap berdi.