Shymkent qalasyndaǵy №2 aýrýhana dárigerleri koronarografıa ádisimen júrek aýrýy bar naýqasqa alǵash ret dıagnostıka jasady. Kúrdeli ota aýrýhananyń bas dárigeriniń mindetin ýaqytsha atqarýshy rentgen-hırýrg Asqar Rahmatalıevtiń jetekshiligimen ótti.Shymkent qalasyndaǵy №2 aýrýhana dárigerleri koronarografıa ádisimen júrek aýrýy bar naýqasqa alǵash ret dıagnostıka jasady. Kúrdeli ota aýrýhananyń bas dárigeriniń mindetin ýaqytsha atqarýshy rentgen-hırýrg Asqar Rahmatalıevtiń jetekshiligimen ótti.
Aýrýhana bazasynda alǵash ret jasalǵan ota kezinde bilikti mamandar júrekke jińishke kateter jiberip, shashtyń qylyndaı ǵana qan tamyrdaǵy aqaýdy der kezinde anyqtady. Aýrýhana dárigerleri júrek-qan tamyryndaǵy aqaýdy tolyq anyqtaıtyn koronagrafıa ádisin sátti iske asyrdy.
Koronarografıa mamandandyrylǵan operasıalyq bólmede rentgen sáýleleriniń baqylaýymen jasalady. Rentgende qan jáne onyń tamyrlardaǵy qozǵalysy kórinbeıdi, al rentgenkontrasty eritindi qanmen aralasyp tek qana ony kórsetpeı, búkil koronarlyq tamyrdyń ishki pishinin kórsetedi. Bul durys dıagnoz qoıýǵa múmkindik beredi.
Medısına mekemesinde kardıologıa salasyndaǵy emdeý jumystaryn odan ári keńeıtý, júrek aýrýyna shaldyqqan naýqastarǵa joǵary mamandandyrylǵan dıagnostıkalyq tekserý men emdeý múmkindigin arttyryp, júrek-qan tamyrlarynan paıda bolatyn ólim-jitim kórsetkishin azaıtpaq nıette. Ol úshin aýrýhanada bilikti mamandarmen qatar, qajetti zamanaýı tehnıkalyq jabdyqtardyń barlyǵy bar.
№2 aýrýhana bazasynda eki naýqasqa koronarografıa jasadyq. Naýqastardyń biri on jyl buryn júregine aorta koronarlyq shýnt otasy jasalyp, stent qoıǵan. Sol stent qoıǵannan keıingi tamyrdaǵy ózgeristerge naqty dıagnostıka jasadyq. Al ekinshi naýqastyń júrek yrǵaǵynyń buzylysy bolǵandyqtan júrek qan-tamyrlaryndaǵy patologıany anyqtaı aldyq. Nátıjesinde operasıalyq jolmen jasalǵan dıagnostıkalyq tekserýden keıin qos naýqasqa da konservatıvti emdeý taǵaıyndaldy. Aýrýhanada kardıologıa salasyn damytý úshin basqa da respýblıkalyq deńgeıdegi emdeý mekemesinen joǵary tájirıbeli mamandardy shaqyrttyq. Bilikti mamandar jasaqtalyp, qazir osy salany damytý jaǵyn myqtap qolǵa aldyq, – deıdi aýrýhananyń bas dárigeri m.ý.a. Asqar Rahmatalıev.
Shymkent qalalyq №2 aýrýhana - qaladaǵy kóp beıindi, básekege qabiletti uıym. Aýrýhana bazasynda ashylǵan kardıologıa bólimshesindegi tósek-oryn sany qazir 22-ge kóbeıtilgen. Buryn sozylmaly júrek aýrýyn ǵana emdeıtin ortalyq endi ózge de júrek dertterin emdep, kardıologıa baǵytynda kúrdeli otalar jasap jatyr.
