Shymkent kalasynyń energetıka jáne ınfraqurylymdy damytý basqarmasynyń basshysy Boranbaı Býlatbekov qala ákimdiginiń ınstagram paraqshasynda tikeleı̆ efırde suhbat berdi.

Basqarma basshysy qala turǵyndaryn sapaly elektr qýatymen qamtý boıynsha atqarylyp jatqan jumystardy qorytyndylap, turǵyndardyń sapaly aýyz sý, káriz júıesi, tabıǵı gaz, elektr qýatymen qamtý salasyna qatysty saýaldaryna jaýap berdi.

Qazirgi ýaqytta Shymkent qalasynda barlyǵy 81 eldimekenniń 65-i (95 %) sapaly elektrmen qamtylǵan. Qala turǵyndaryn sapaly elektr qýatymen qamtamasyz etý maqsatynda 2021 jyly 3 qosalqy stansıa men 16 eldimekende qurylys jumystary júrgizilýde.
Taıaýda ǵana «Bozaryq» qosalqy stansıasy iske qosylǵan bolatyn. Qýattylyǵy 160 mVt quraıtyn qosalqy stansıa 250 myń halyqty sapaly elektr qýatymen qamtýǵa qaýqarly. Sondaı-aq, osy keshennen qýat alatyn «Nursát», «Astana-1», «Astana-2», «1-M-1» qosalqy stansıalarynyń qurylystary aıaqtalǵan. «Yntymaq» qosalqy stansıasynyń jobalyq-smetalyq qujaty daıyn.

Qazirgi ýaqytta «1-M-1» qosalqy stansıasynyń qurylysy aıaqtalyp, synama jumystary júrgizilip jatyr. Bul nysannyń qýattylyǵy – 40 MVt. 5 eldimeken – Asar-2, Dostyq, Soltústik saıajaı, Qaınarbulaq jáne Qaıtpas-2 shaǵynaýdanynyń qosylý kózi bolyp sanalady. Jalpy qamtylatyn halyq sany – 60 myńǵa jýyq.

Sonymen qatar, jyl sońyna deıin barlyǵy 7 eldimekende (Aqjar, Yntymaq-2, Aıkól, Igilik, Táýelsizdikke 20 jyl, Jalyn, Dostyk turǵyn alaby) qurylys jumysy aıaqtalyp, jyl sońyna deıin 21,3 myńǵa jýyq adam sapaly elektr qýatymen qamtylady. Qala turǵyndaryn sapaly elektr qýatymen qamtý kórsetkish 97 %-ǵa ósetin bolady.
Al arnaıy joba boıynsha 2025 jyly qala turǵyndary 100 paıyz sapaly elektr qýatymen qamtylatyn bolady.
Basqarma basshysy efır barysynda turǵyndar saýalyna jan-jaqty jaýap berdi.