Nur-Sultanda jantúrshigerlik jol apatynan 5 adam qaza tapty. Bul týraly qalalyq polısıa departamentiniń baspasóz qyzmeti habarlady.
Departament málimetinshe, oqıǵa 30 qyrkúıek saǵat 00:34-te bolǵan.
"Toyota Camry avtokóliginiń 19 jastaǵy júrgizýshisi Esil ózeni arqyly ótetin kópirden Saraıshyq kóshesine qaraı júrip, jyldamdyq rejımin saqtamaǵandyqtan róldi basqara almaı qarsy qozǵalys jolaǵyna shyǵyp, Nexıa Ravon avtokóligimen soqtyǵysqan" dedi polısıa ókili.
