Shymkentte osy jyldyń 8 aıynda ónerkásip óniminiń ósimi 106,4 paıyz bolyp, 484,5 mlrd. teńgege jetken. Óndirilgen ónimderdiń 87 paıyzyn óńdeý ónerkásibi qurap otyr.

Óńdeý ónerkásibi salasynda jıhaz, hımıa ónerkásibi, elektr jabdyǵy, daıyn metal, kıim-keshek, sýsyndar, tamaq ónimderi, toqyma buıymdary men munaı óńdeý ónimderiniń naqty kórsetkish ındeksi 100 paıyzdan asady.

Ónim kólemi artqan salanyń biri – hımıa ónerkásibi. Bul sala óndirisi ótken jylmen salystyrǵanda 58,8 paıyzǵa artqan. Kásiporyndarda jyl basynan beri 6,1 mlrd. teńgeniń ónimi óndirilip, kórsetkish 158,8% quraǵan. Mundaı ónimderge sabyn, ártúrli jýý quraldary, spırt tyńaıtqysh, boıaý jáne kómirtegi dıoksıdi kiredi.

Sabyn óndirýde qalada kósh bastap turǵan «Shymkentmaı» AQ qaldyqsyz óndiris tehnologıasyn qoldanýdyń arqasynda júzege asyryp otyr. Kásiporynnyń negizi maıdy qaıta óńdeý ónimderi bolyp tabylady. Dástúrli kir sabynnan bólek, quramynda kokos maıy bar sabyn da shyǵarady.