Mınıstrlik málimetinshe, sheteldik jumys kúshin tartýǵa berilgen ruqsattardyń ishinde tómendegideı sanattar bar: birinshi sanat – 663 (basshylar jáne olardyń orynbasarlary), ekinshi sanat – 3 279 (qurylymdyq bólimshelerdiń basshylary). Tartylǵan jumys kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe 7 754 adam jáne 651 adam. Sondaı-aq maýsymdyq jumystarǵa – 1 914 adam, al korporatıvtik aýystyrý sheńberinde – 1 853 adam tartylǵan.

Qazirgi ýaqytta Qazaqstanda sheteldik jumys kúshin paıdalanatyn 1 790 jumys berýshi bar. Olarda shamamen 494 myń Qazaqstan azamaty jumys isteıdi, bul jalpy jumysshylar sanynyń 96%-yn quraıdy.

Eńbek mıgranttary shyǵatyn negizgi elder: Qytaı – 3 837 adam, Túrkıa – 1 965 adam, Ózbekstan – 1 949 adam, Úndistan – 1 024 adam, Ulybrıtanıa – 949 adam.

Mınıstrlik ishki eńbek naryǵyn qorǵaý maqsatynda jyl saıyn elge sheteldik mamandardy tartýǵa arnalǵan kvota belgilenetinin, 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti quraǵanyn habarlady.