Shymkentte úsh aýysymdaǵy mektepter máselesi 2024 jylǵa deıin sheshiledi. Atalǵan jumystar bilim salasyn damytýdyń 5 jyldyq josparynda qamtylǵan. Mundaı ózekti máseleniń túbegeıli sheshilýi bilimdi urpaq tárbıesi úshin óte mańyzdy.

Qalada 10-11 synyptarǵa arnalǵan «125 HIGH SCHOOL» mektebi Ulttyq birińǵaı testileýge qatysatyn oqýshylar úshin erekshelenip otyr. Atalǵan mektep osy jyldyń 1 qyrkúıeginen óz jumysyn bastady. Qazir munda 254 oqýshyǵa 48 muǵalim UBT synaǵynyń jeti baǵyty negizinde bilim berýde. Mektep dırektory Oralǵan Temirhanulynyń sózinshe, mektepte oqýshylarǵa bilim berý aqyly túrde júrgiziledi. Degenmen, jan basyna qarjylandyrý baǵyty boıynsha «Qarjy ortalyǵyna» qujat tapsyryp, ótinim berilgen.

–Bizdiń mektepte oqýshylardyń áleýmettik jaǵdaıyna qaraı 8 túrli jeńildik qaralǵan. Memleket tarapynan mektebimiz qarjylandyrylsa bilim alýshylardyń tólemaqysyna kóp jeńildik bolar edi. Osy maqsatta qujattarymyzdy tıisti mekemege tapsyryp, jaýabyn kútip otyrmyz, -dedi ol.

«125 HIGH SCHOOL» mektebi elimizdiń 7 óńirinde oqý ortalyǵy negizinde jumysyn bastaǵan. Qazir 27 ortalyq ishinde jeteýi memlekettik lısenzıasy bar mektepter jelisi bolyp jumysyn jalǵastyrýda. Bilim mekesiniń negizgi mısıasy – bitirýshi synyptardy mektep pen daıyndyq kýrsyn eki jaqty oqymaı, arnaıy metodıka negizinde bir jerden bilim berý.

Ustazdardyń aıtýynsha, bilim alýshylardyń 70 paıyzy hımıa-bıologıa men fızıka-matematıkany tańdaǵan. Sonymen birge, geografıa –matematıka, dúnıejúzi tarıhy-aǵylshyn tili jáne adamnyń qoǵamdaǵy quqyǵy-tarıh baǵytynda oqıdy.

Mektep kásibı baǵdar berý, kompúterlik testileý, mentorlyq júıe, «Kovorkıngti» ortalyq jáne sabaqtan tys ýaqytta uıymdastyrylatyn motıvasıalyq is-sharalar ótkizý júıesin de tıimdi júzege asyrýda.