YouTube bekitilgen vaksınalar týraly jalǵan aqparat taratatyn barlyq kontentti joıatynyn, Covid-19 shtammdary týraly jalǵan málimdemelerge tyıym salýdy keńeıtetinin aıtty.

"Bekitilgen vaksınalar qaýipti jáne aýtızmge, qaterli isikke nemese bedeýlikke ákeledi" degen mazmundaǵy vıdeolar alynyp tastalatyny habarlandy.

Jeli saıasaty vaksınalarǵa qarsy áser etýshilerdiń shottaryn toqtatýdy da qamtıdy.

Tehnıkalyq alpaýyttar "densaýlyq týraly jalǵan aqparatqa qarsy turý úshin áreket etpedi" dep synǵa alyndy.

Google-ǵa tıesili YouTube-tyń málimdeýinshe, ótken jyldan bastap Kovıd vaksınalary týraly jalǵan aqparat taratqan 130 myń beıne platformadan joıylǵan.

"Biz YouTube-ta medısınalyq jalǵan aqparatqa qarsy saıasat aýmaǵyn keńeıtemiz. Densaýlyq saqtaý organdary men DDSU maquldaǵan vaksınalardyń qaýipsizdigi men tıimdiligi rastalǵan" dep habarlady kompanıa ókilderi.

Aıta keteıik, Facebook áleýmettik jelisi de koronavırýs vaksınasyna qatysty jalǵan aqparattarǵa osy jyldyń basynan bastap shekteý qoıǵan.