Rejıser, mobılograf jáne vıdeograf Qyran Talapbek bıznesmen, baspager Armanjan Baıtasovqa bergen suhbatta mobılografıa salasy týraly, bul sala arqyly qansha aqsha tabýǵa bolatynyn aıtty.

Ol búginde Qazaqstanda, tipti álemde mobılografıa salasynda mamandar jetispeýshiligi qatty seziletinin aıtady. Sózinshe, mundaı tendensıa 2 jylǵa jalǵasýy múmkin.

Mobılografıa kýrstaryn satqan ol osyǵan deıin 35 myń adamdy oqytqanyn, ár kýrsy 15 myń men 35 myń teńge aralyǵynda turǵanyn jetkizdi. Aıtýynsha, búginde shákirtteriniń arasynda aıyna 2 jarym mıllıon teńge tabatyndar da bar. Ortasha eseppen Qazaqstanda bilikti mobılografqa 500 myń teńge tabý qıyn emes.

Rejıser sondaı-aq áleýmettik jelide ózdiginen taralatyn, tanymal vıdeo túsirý quny 2 jarym mıllıon teńgeden bastalatynyn aıtty.

– Biz bastapqyda vıdeony taratýǵa kómektesemiz. Alaıda negizinen adamdar ózi bólisetindeı keremet etip jasaýǵa tyrysamyz. Sondyqtan onyń taralýyna áser etýshi nárselerge asa mán beremiz. osyndaı vıdeolarǵa tapsyrys 2 jarym mıllıon teńgeden bastalady, – deıdi ol.