Ǵabıdolla Ábdirahymov mádenıet jáne sport vıse-mınıstri qyzmetinen bosatyldy, dep habarlady premer-mınıstrdiń resmı saıty. 

"QR Úkimetiniń Qaýlysymen Ábdirahymov Ǵabıdolla Rahmatollauly basqa jumysqa aýysýyna baılanysty Qazaqstan Respýblıkasynyń mádenıet jáne sport vıse-mınıstri qyzmetinen bosatyldy" dep jazylǵan habarlamada.

Ǵabıdolla Ábdirahymov 1975 jyly Ońtústik Qazaqstan oblysynda dúnıege kelgen. 1996 jyly Qazaq memlekettik agrarlyq ýnıversıtetin, 1999 jyly «Bolashaq» baǵdarlamasymen nemis memlekettik basqarý joǵary mektebin támámdaǵan.

Eńbek jolyn 1996 jyly Qazaq memlekettik agrarlyq ýnıversıtetinde tálimger-oqytýshy retinde bastaǵan.

1999-2008 jyldary QR Memlekettik qyzmet isteri agenttiginiń qurylymynda túrli laýazymdy qyzmet atqardy.

2008-2012 jyldary — premer-mınıstr keńsesiniń basshysy.

2012-2013 jyldary — básekelestikti qorǵaý agenttiginiń tóraǵasy.

2013-2015 jyldary — prezıdent ákimshiligi basshysynyń orynbasary.

2015-2017 jyldary — Shymkent qalasynyń ákimi. 

2017-2018 jyldary — «Nur-Otan» partıasynyń hatshysy.

2018-2019 jyldary — Shymkent qalasynyń ákimi.

2021 jyldyń qańtar aıynan qazirgi ýaqytqa deıin mádenıet jáne sport vıse-mınıstri qyzmetin atqardy.