Almatyda 2 qazannan bastap jylý beriledi. Bul týraly qala ákiminiń baspasóz qyzmeti habarlady.
Baspasóz qyzmetiniń málimetinshe, qolaısyz meteorologıalyq boljamdar men qaladaǵy aýa raıynyń kún saıynǵy monıtorıńine baılanysty bıyl jylytý maýsymy erterek bastalady.
"Qolaıly jaǵdaıdy talap etetin uıymdardyń jumys ereksheligin eskere otyryp, eń aldymen jylý júıesine densaýlyq saqtaý, bilim berý ǵımarattary men basqa da áleýmettik nysandar qosylady", delingen taratylǵan habarlamada.
Jylý kóppáterli turǵyn úıler, sodan soń jylý energıasynyń basqa da tutynýshylaryna berile bastaıdy. Ákimdiktiń habarlaýynsha, jylý kózderi, gaz jelileri, qazandyqtar jylý berýge 100% daıyn.
Pikir qaldyrý