"1950 jyldan beri Fransıada 216 myńǵa jýyq bala dinı qyzmetkerlerdiń zorlyq-zombylyǵynyń qurbany boldy" deıdi shirkeý músheleriniń quqyq buzýshylyqtaryn zertteıtin top jetekshisi. Bul týraly BBC habarlady.

Fransıanyń katolıktik shirkeýlerindegi jynystyq zorlyq-zombylyq týraly uzaq esep jarıalandy.

Fransýz zertteýshisi Jan-Mark Sýveniń aıtýynsha, shirkeýdiń qarapaıym músheleriniń qıanaty qosylǵan kezde jábirlenýshilerdiń sany 330 myńǵa deıin jetýi múmkin.

Zardap shekkenderdiń biri bul esepti Fransıa tarıhyndaǵy betburys dep atady.

Esep shirkeý, sot jáne polısıa muraǵattaryna, sondaı-aq jábirlenýshilermen bolǵan suhbatqa negizdelgen.

Qujat kólemi shamamen 2500 betten turady. Zardap shegýshilerdiń basym kópshiligi ár túrli áleýmettik ortadan shyqqan jasóspirim uldar ekeni aıtylady.

Qujatta dinı oryndar – otbasy men tanys adamdardan keıin keıin, jynystyq zorlyq -zombylyq eń kóp taralǵan orta ekeni aıtylǵan.

Degenmen bul isterdiń kópshiligi fransýz zańy boıynsha qylmystyq qýdalaý úshin tym kesh dep esepteledi.