Qazgıdromet 7-9 qazanǵa arnalǵan aýa raıy boljamyn jarıalady.

Sınoptıkter aldaǵy úsh kúnde jaýyn-shashyn toqtap, aýa temperatýrasy joǵarylaıtynyn aıtady.

Soltústik-batys antısıklonnyń áserinen eldiń basym bóliginde jaýyn-shashynsyz aýa raıy boljanady, kún ashyq bolady. Tek shyǵys pen ońtústiktegi aýa raıy sıklonnyń ketýine baılanysty jańbyrly, qarly bolady dep kútiledi.

7 qazan kúni eldiń shyǵysynda qatty jaýyn-shashyn bolady. Respýblıka boıynsha túnde jáne tańerteń tuman túsedi.

Shyǵysta jáne ortalyqta — kóktaıǵaq bolyp, burqasyn kóteriledi, batysta — shań soǵady. Batysta jáne soltústik-batysta kúndizgi temperatýra  10-18-ge deıin, soltústikte, shyǵysta jáne ortalyqta 8-15-ke deıin, ońtústik aımaqtarda 15-20-ǵa deıin joǵarylaıdy.