Densaýlyq saqtaý mınıstrligi 8 qazandaǵy epıdemıologıalyq jaǵdaı týraly aqparat taratty.

Mınıstrik málimetinshe, Qazaqstanda ótken táýlikte PTR arqyly 1940 adamnan koronavırýs, 150 adamnan pnevmonıa anyqtalǵan.

7 qazandaǵy derek boıynsha, elde koronavırýstan 30, pnevmonıadan 13 adam kóz jumǵan. 

El boıynsha koronavırýsqa tapsyrǵan testi oń nátıje kórsetken jaǵdaılardyń jalpy sany 902 061-ge jetti. Koronavırýs belgileri bar pnevmonıamen aýyrǵandardyń resmı sany – 77 056.

Koronavırýs ınfeksıasyna qarsy vaksınanyń 1-komponentin 7 831 773 adam, 2-komponentin 6 864 781 adam saldyrǵan.

9 qazandaǵy málimet boıynsha, 54 250 adam koronavırýs ınfeksıasynan emdelýde, olardyń ishinde 9 384 pasıent stasıonarda, 44 866 naýqas ambýlatorıalyq deńgeıde em qabyldaýda.

703 adamnyń jaǵdaıy aýyr, 203 pasıenttiń jaǵdaıy óte aýyr, 135 naýqas ÓJJ apparatynda jatyr.

Nur-Sultan, Almaty qalalary, Pavlodar, Aqmola, Soltústik Qazaqstan oblystary "Qyzyl" aımaqta ornalasqan.

Shymkent qalasy, Almaty, Aqtóbe, Qostanaı, Qaraǵandy, Batys Qazaqstan, Shyǵys Qazaqstan oblystary "Sary" aımaqta.

"Jasyl" aımaqta – Túrkistan, Jambyl, Atyraý, Mańǵystaý, Qyzylorda oblystary.