Shymkent qalasy ákiminiń birinshi orynbasary Shyńǵys Muqan Ortalyq komýnıkasıalar qyzmetinde ótken brıfıńide qala turǵyndary arasynda koronavırýs pnevmonıasymen aýyrǵandardyń nege kóp ekenin túsindirdi.

KVI+» pen «KVI-»-ti stasıonarǵa barǵan boıda PTR-test arqyly anyqtaıdy. Onyń ústine kompúterlik tomografıadan ótedi. Ókinishke qaraı, koronavırýs ınfeksıasy juqqan boıda emdi bastap ketpese, onyń ári qaraı pnevmonıaǵa aınalý qaýpi óte joǵary.

Sondyqtan Shymkent qalasynda ózdiginen emdelgen adamdar boldy. Sol ýaqytta jyldam sheshim qabyldap, dárihanalardyń janyndaǵy jeke menshik túrli ekpe qabyldaý oryndarynyń jumysyn rettedik. Naýqastardyń bárinen vırýs belgilerin baıqaǵan boıda habarlasýdy ótindik. Sondyqtan, osyndaı jaǵdaı oryn aldy dep oılaımyn», - degen ákimdik ókili turǵyndardyń jeke praktıkadaǵy dárigerlerdiń kómegine kóp júginýi jaǵdaıdy ýshyqtyrǵanyn atady.

«Turǵyndardyń ózderi emhanaǵa barmaı, ózdiginen emdelý saldarynan syrqaty koronavıýrs pnevmonıasyna aınalyp ketken jaǵdaılar boldy. Ókinishke qaraı, bizde aýyr jaǵdaımen túsken naýqastardyń kóbi on besinshi, on altynshy, tipti jıyrmasynshy kúni biraq medısına kómegine júginedi. Olar osyndaı jeke praktıkadaǵy dárigerlerden dári-dármek alyp, bir emes, eki kýrs em qabyldaǵan. Onyń ishinde aýyr-aýyr antıbıotıkter bar. Sonymen emdelip, túk bolmaǵan soń jedel járdemge habarlasyp, aýyr kúıde túsip jatqan naýqastar boldy. Sondyqtan bul jaǵdaı qaıtalanbas úshin aldaǵy ýaqytta densaýlyq saqtaý salasynda medısınalyq aǵartý jumystaryn kúsheıtýimiz kerek», - dedi qala ákiminiń birinshi orynbasary.