Pákistan premer-mınıstri Imran Han "Pandora qujattarynda" atalǵan Pákistannyń barlyq 700 azamaty tergeletinin málimdedi.

Atyshýly "Pandora qujattarynda" Pákistan azamattary, onyń ishinde kóptegen joǵary deńgeıdegi laýazymdy adamdar, saıasatkerler men burynǵy áskerı ofıserlerdiń jasyrǵan baılyqtary týraly aıtylǵan.

Qujattarda qarjy mınıstri, Imran Hannyń burynǵy keńesshisiniń balasy jáne Pákistan Tehrık-e-Insaf (PTI) partıasynyń kórnekti donorlarynyń esimderi jarıalanǵan.

Budan bólek qujattarda sý resýrstary mınıstri Mýnıs Elahı men qarjy mınısti Shaýkat Tarındiń esimi ataldy. Degenmen, ekeýi de zań buzýshylyqty joqqa shyǵardy.

"Pandora qujattarynda" búkil álem boıynsha jasyryn ofshorlyq baılyqtar týraly jazylǵan.  Attary atalyp, biraq pikir bildirmegenderdiń qatarynda Qazaqstannyń eks-prezıdenti Nursultan Nazarbaevtyń beıresmı áıeli delinip júrgen Ásel Qurmanbaeva da bar. Qujattarda ol 30 mıllıon dollar men Brıtandyq Vırgın araldarynda tirkelgen ofshorlyq kompanıa aksıalarynyń paketin alǵany týraly derek jarıalanǵan. Ofshordaǵy bıznesterin ol Nazarbaevqa jaqyn olıgarhtar Vladımırom Nı jáne Vladımırom Kımmen birge basqarǵan.