2021 jyldyń 28-shi qyrkúıek kúni qazaqtyń zańǵar jazýshysy, qoǵam qaıratkeri, ǵulama ǵalym, Stalındik, Lenındik syılyqtardyń laýreaty, Abaıdy álemge tanytqan, fılologıa ǵylymdarynyń doktory, profesor Muhtar Omarhanuly Áýezovtiń týǵanyna 124 jyl tolýyna oraı qarymdy qalamgerdiń esimin ıelengen M.Áýezov atyndaǵy Ońtústik Qazaqstan ýnıversıtetinde jazýshynyń eskertkishine gúl shoǵy qoıyldy.

2021 jyldyń 28-shi qyrkúıek kúni Muhtar Omarhanuly Áýezovtiń týǵanyna 124 jyl tolýyna oraı Almaty qalasyndaǵy M.Áýezov atyndaǵy ádebıet jáne óner ınstıtýtynyń uıymdastyrýymen «Áýezov oqýlary» atty jas ǵalymdardyń HVİİİ ǵylymı-tájirıbelik konferensıasy ótti. Konferensıany mádenıettanýshy, zańǵar jazýshynyń uly Murat Muhtaruly Áýezov ashyp berdi.

Alǵashqy quttyqtaý sózdi Shymkent qalasyndaǵy uly jazýshynyń esimin ıelengen M.Áýezov atyndaǵy Ońtústik Qazaqstan ýnıversıtetiniń basqarma tóraǵasy-rektor Darıa Perneshqyzy Qojamjarova arnaıy sóz alyp ýnıversıtette, abaıtaný men muhtartanýǵa qatysty ashylyp jatqan tyń ǵylymı jańalyqtarymen bólisti.

Sonymen qatar Darıa Perneshqyzy Shymkent qalasyndaǵy «Hımfarm» AQ arnaıy bóliminen tabylǵan Abaı urpaqtaryna qatysty memorıaldy taqtanyń máni men mazmunyna toqtaldy. «Ýnıversıtetimizdegi «Muhtartaný» ǵylymı ortalyǵy búginde tabysty ǵylymı izdenister jasaýda. Al endi Muhtartaný men Abaıtanýda ystyǵy basylmaǵan tyń jańalyqtardyń biregeıine oıysar bolsaq, bul tikeleı hakim urpaqtaryna qatysty.

Sonymen qatar keler jyly Muhtar Omarhanulynyń 125 jyldyq mereıtoıyna oraı ýnıversıtet ǵalymdary uzaq jyldar boıy aınalysyp kele jatqan erekshe ǵylymı jańalyqpen bólisetindigin atap ótti. Atalmysh konferensıany M.Áýezov atyndaǵy ádebıet jáne óner ınstıtýtynyń dırektory Kenjehan Silámjanuly Matyjanov júrgizip otyrdy.

Qazaqtyń zańǵar jazýshysy, qoǵam qaıratkeri, ǵulama ǵalym, fılologıa ǵylymdarynyń doktory, profesor Muhtar Omarhanuly Áýezovtiń týǵanyna 124 jyl tolýyna oraı M.Áýezov atyndaǵy Ońtústik Qazaqstan ýnıversıtetinde «Muhtartaný» ǵylymı-ortalyǵynyń uıymdastyrýmen «M.Áýezov murasy jáne búgingi rýhanıat álemi» atty halyqaralyq ǵylymı konferensıamen jalǵasyn tapty.Konferensıada alǵash bolyp quttyqtaý sóz alǵan M.Áýezov atyndaǵy Ońtústik Qazaqstan ýnıversıtetiniń basqarma tóraǵasy-rektor Darıa Perneshqyzy abaıtaný men muhtartanýdyń beımálim betterin jan-jaqty saralaı kele «Uly Abaıdyń eńbekterin bizdiń ortalyq qyzmetkerleri qaıtadan tekstologıalyq qarap, onyń «Kıtab tasdıq» eńbegin tuńǵysh ret shaǵataı tilinde transkrıpsıalap shyqty.