Shymkent qalalyq jumyspen qamtý ortalyǵy men Jastar resýrstyq ortalyǵy birlesip uıymdastyrǵan «Bos jumys oryndary» jármeńkesi ótti. 29-30 qyrkúıek kúnderi bolǵan jármeńke Shymkent qalasynyń Eńbekshi, Qarataý, Abaı, Ál-Farabı aýdandarynyń alys eldi mekenderinde uıymdastyryldy.
Munda 2000-nan astam bos jumys oryndary usynylǵan. Shalǵaı eldi – mekenderdiń turǵyndaryna eki kún boıy memlekettik baǵdarlamanyń tıimdiligi túsindirildi.
Sondaı-aq, mamandyǵy boıynsha jumys izdep júrgen jumyssyz jastarǵa «Alǵashqy jumys orny» jobasy nasıhattaldy. Jármeńke nátıjesinde 478 adam turaqty jumysqa joldama alǵan.
