«Nur Otan» partıasy Shymkent qalasy fılıalynyń tóraǵasy, qala ákimi Murat Áıtenov pen qalalyq máslıhat hatshysy Bahadyr Narymbetov partıa janyndaǵy Fron-ofıstiń ashylý jıynyna qatysty.

Qala ákimine keńseniń atqaratyn qyzmeti jáne qoǵamdyq qabyldaý bólmesiniń jumysyn «Nur Otan» partıasy qalalyq fılıaly tóraǵasynyń birinshi orynbasary Janar Bektaeva tanystyrdy.

Atalǵan front-ofıstiń negizgi maqsaty – qala turǵyndaryna onlaın túrde qyzmet kórsetý, azamattardyń ótinishin qaraý, tirkeý jáne óńdeý bolyp tabylady. Qoǵamdyq qabyldaý qyzmetkerlerimen qosa aýdandyq fılıal qyzmetkerleri front-ofıstiń końyraýlaryn qabyldap, ótinishterdi tıisti memlekettik mekemelerge joldaý arqyly shuǵyl jaýap berýdi uıymdastyrady.

Sonymen qatar, azamattardyń ótinishterine ár sala mamany, máselen: quqyq qorǵaý organdarynyń qyzmetkerleri, prokýratýra, polısıa departamenti, ádilet departamenti, advokattar alqasy, medıator ortalyǵy jáne jergilikti atqarýshy organ mamandary tıisti suraqtarǵa jaýap beredi.

Jıynda «Nur Otan» partıasy Shymkent qalalyq fılıalynyń tóraǵasy, qala ákimi Murat Dúısenbekuly Áıtenov front-ofısti ashyp, saılaýaldy baǵdarlasy boıynsha bekitilgen Jol kartasyna sáıkes 9 aılyq atqarylǵan is-sharalardyń oryndalýyn baıandady.

– Elbasy, Partıa Lıderi Nursultan Nazarbaevtyń tapsyrmasymen «Nur Otan» partıasynyń 2025 jylǵa deıingi «Ózgerister joly: Ár azamatqa laıyqty ómir!» dep atalatyn saılaýaldy baǵdarlamasyn iske asyrý maqsatynda jol kartasy bekitilgen bolatyn. Saılaýaldy baǵdarlamamyz – elimizdi taıaýdaǵy bes jylda jańa damý baǵytyna túsiretin naqty jol kartasy. Onda respýblıka boıynsha ár óńir, qala jáne aýdanda atqarylatyn jumystar naqtylanǵan. Osy oraıda biz, Shymkent qalasynda saılaýaldy baǵdarlamany iske asyrý boıynsha 149 is-shara belgilenip, oǵan jaýapty basqarma basshylary men qalalyq máslıhattaǵy «Nur Otan» partıasy fraksıasynyń músheleri bekitilgen. Jumystardyń júıeli ári sapaly oryndalýy únemi partıa nazarynda, – dedi qala ákimi.