Búgin Shymkent qalasy Abaı aýdandyq soty men «Rýhanı qoǵam álemi» qoǵamdyq qory arasynda yntymaqtastyq týraly memorandýmǵa qol qoıdy.

Memorandýmnyń negizgi maqsaty aýdandyq sotta tatýlasý rásimi kezinde psıholog mamannyń qatysýymen jas otbasylarǵa, jas analarǵa bala tárbıesindegi psıhologıalyq keńester berý, ómirge degen qulshynystary men bolashaqqa degen senimderin arttyrý, olarǵa kúsh-jiger berý, motıvasıalyq keńestermen keńinen nasıhattaý jáne aqparattandyrý.

Memorandýmǵa Abaı aýdandyq sotynyń tóraǵasy D.Muratbekuly men «Rýhanı qoǵam álemi» qoǵamdyq qorynyń prezıdenti L.Qoıshıeva qol qoıdy, is-sharaǵa «Rýhanı qoǵam álemi» qoǵamdyq qorynyń qyzmetkerleri, AHAT bóliminiń qyzmetkerleri men sýdıalar qatysty.

İs shara sonyńda qoǵamdyq qorynyń prezıdenti Abaı aýdandyq sotynyń sýdıalaryna osyndaı is-sharany júzege asyrýǵa óz úlesterin qosyp jatqany úshin alǵysyn bildirdi.