Shymkentte Bolat Ótemuratov Qorynyń Jas Leader Akademiiasy jobasy aıasyndaǵy fakúltatıvtik sabaqtar bastaldy. 5-11 synyptardyń 12 myńnan astam mektep oqýshylary zamanaýı álemde suranysqa ıe daǵdylardy meńgeredi. Sóıtip, balalar qyzyqty ınteraktıvti formatta prezentasıa ótkizýdi, topta jumys isteýdi jáne ýaqytty josparlaýdy úırenedi.

Oqý jylynyń basyna qaraı oqýshylardyń jasyna baılanysty beıimdelgen oqý quraldary ázirlendi. Jazǵy demalys kezinde jobaǵa qatysý úshin iriktelgen Shymkent qalasynyń jalpy bilim beretin 25 mektebiniń 50 muǵalimi oqytýdyń zamanaýı ádisteri boıynsha aptalyq trenıńterden ótti.

«Kóshbasshylyq fakúltatıvin ótkizý boıynsha daıyndyqtan keıin men oqytýshylyq qyzmetke jańa turǵydan qaradym. Bul tájirıbeni men negizgi pánim Tarıhty oqytýda da paıdalanatyn bolamyn. Maǵan, ásirese, «teńge – teń» qaǵıdasy unady, ol oqýshymen dıalog júrgizýdi, ony óz pikirin aıtýǵa yntalandyrýdy bildiredi», - dep belgiledi № 137 orta mekteptiń muǵalimi Tólebek Bektas.

Jas Leader Akademiiasy baǵdarlamasy mektepte oqyp bilý úshin alǵash ret qazaq tiline aýdarylǵan ýaqytpen tekserilgen ádistemelerdi qamtıdy. Fakúltatıvter mektep baǵdarlamasyna ýaqytyly jáne qajetti qosymsha retinde engiziledi: «Bilim berý júıesiniń mindeti – erteń óz aımaǵynyń jáne jalpy eldiń damýyn aldyn ala anyqtaıtyn yntaly, belsendi jáne bilimdi jastardy daıyndaý. Biz oqytý sapasyn arttyrý, mektepterdi jańartý boıynsha kóp jumys jasaımyz. Jáne balalardyń kóshbasshylyq daǵdylaryn nyǵaıtý úshin Bolat Ótemuratov Qorymen yntymaqtasqanymyzǵa qýanyshtymyz»- dedi Shymkent qalasy bilim basqarmasynyń basshysy Tajıeva Janat Arysbekqyzy.

Jas Leader Akademiiasy bıylǵy jyldan bastap Shymkent qalasy men Túrkistan oblysynyń mektepterinde iske asyrylýda. Bolat Ótemuratov Qory 5 jyl ishinde elimizdiń ońtústik jáne batys aımaqtarynda jobany odan ári keńeıtýdi josparlap otyr. Jobany júzege asyrý úshin 5 mln AQSH dollary bólindi.