Búgin májilis spıkeri Nurlan Nyǵmatýlınniń tóraǵalyǵymen ótken jalpy otyrysta depýtattar energıa únemdeý jáne energıa tıimdiligin arttyrý máselelerine qatysty zań jobasyn birinshi oqylymda maquldady.

Bul zań jobasynyń negizgi maqsaty - jalpy ishki ónimniń energıa syıymdylyǵyn tómendetý boıynsha energıa únemdeý jáne energıa tıimdiligin arttyrý salasyndaǵy júrgiziletin saıasattyń túpki nátıjesine qol jetkizý.

Májilis tóraǵasy Nurlan Nyǵmatýlın zań jobasy sý paıdalanýdy baqylaý júıesin qarastyrýy tıis ekenin atap ótip, jumys tobyna ekinshi oqylymǵa deıin ázirleýshilermen birlesip osy máseleni pysyqtaý qajettigin aıtty.

Nurlan Nyǵmatýlınniń pikirinshe, Indýstrıa jáne ınfraqurylymdyq damý mınıstrligi zań jobasynan tıisti normalardy alyp tastaý usynysy ónerkásiptik kásiporyndardyń, komersıalyq jáne búdjettik uıymdardyń sýdy qalaı paıdalanatynyn baqylaýǵa múmkindik bermeıdi.

Sondyqtan Nurlan Nyǵmatýlın  depýtattardyń qoldanystaǵy sý tutynýdy baqylaý júıesin saqtaý qajettiligi týraly túzetýlerin qoldaý kerektigin atap ótti.

Jalpy, zań jobasymen ekspress-energoaýdıt jáne maqsatty energoaýdıt engiziledi. Nysanǵa barmaı aldyn alý baqylaý tártibi bekitiledi. Sonymen qatar,  oblystardyń, respýblıkalyq mańyzy bar qalalardyń jáne astananyń jergilikti atqarýshy organdarynyń quzyreti energıa únemdeý jónindegi jol kartalaryn ázirleý jáne bekitý jónindegi normamen tolyqtyrylady.