Búgin QR Prezıdenti janyndaǵy OKQ baspasóz máslıhaty barysynda Astana qalasynyń ákimi Imanǵalı Tasmaǵambetov óz jalaqysynyń mólsherin jarıa etip, jańa jyldy qalaı qarsy alatynymen bólisti, dep habarlady BNews.kz tilshisi. 

«Meniń jalaqym ózge ákimder tárizdi 650 myń teńge kóleminde. Astanaǵa kelgeli 5 jyl boldy. Kelgennen beri bir ǵana qyzmettik kólikti paıdalanamyn. Elordaǵa ákim bolǵan kezde 3 jyl qatarynan páter jaldadym. Keıin Almaty qalasyndaǵy páterimdi satyp, Astanadan jeke úı salyp aldym», - dedi Tasmaǵambetov.

Sonymen qatar Elorda ákimi jańa jyldy óz otbasynyń ortasynda qarsy alatynyn aıtty.

«Men jańa jylda otbasymmen birge bolamyn. Nemerelerimniń ortasynda bolǵandy jón sanaımyn», - dep tolyqtyrdy ol.