Úkimet basshysy Asqar Mamın 2022 jyldyń demalys kúnderin aýystyrý týraly qaýlyǵa qol qoıdy. Osyǵan baılanysty Qazaqstandyqtar keler jyly qandaı merekelerde qansha kún demalatyndyqtary belgili boldy. 

Elde qańtardyń 1 men 2-si kúnderi jańa jylǵa oraı resmı túrde demalys kúni sanalady. Al 2022 jyldary bul kúnder senbi men jeksenbige kelip tur. Sondyqtan 3-i men 4-i dúısenbi men seısenbi de qazaqstandyqtar úshin demalys bolyp belgilenedi. 

Qazaqstanda 2 dinı mereke bar.  2022 jyldyń 7 qańtary rojdestvo merekesi juma kúnine túsip, 7, 8, 9 qańtar demalys kúni bolady.

Halyqaralyq áıelder kúnine oraı 6, 7, 8 kúnderi, al Naýryz meıramynda 19-23 aralyǵynda 5 kún demalys bolady. 

1 mamyr - Qazaqstan halqynyń birligi merekesi jeksenbige kelgendikten 2 mamyr da demalys kúni sanalady. Al 7 mamyr Otan qorǵaýshylary kúnimen 9 mamyr Jeńis kúnine oraı 4 kún demalys bolady.

Qurban aıttyń birinshi kúni 20 shilde sársenbi kúnderi de demalys bolyp sanalady. Konstıtýsıa kúni  30 tamyz kelesi jyly seısenbige týra keledi. Sondyqtan 2022 jylǵy 27 tamyz senbiden 2022 jylǵy 29 tamyz dúısenbige aýystyryldy.

Al 1 jeltoqsanda tuńǵysh prezıdenti kúni beısenbide demalys. Sondaı-aq Táýelsizdik kúnine oraı 16-nan 19-yna deıin demalys bolady.

Sonymen 2022 jyly 245 jumys kúni men 120 demalys kúni bolady. Kóptegen merekelik demalys 3-4 kúnge sozylady.