Soltústik Qazaqstan oblysynda qatań karantın jarıalanýy múmkin. Óńirde sońǵy 2 aptada 1 men 14 qazan aralyǵynda koronavırýs juqtarǵandar sany 1,5 esege artqan, dep habarlady Petropavlovsk.news saıty. 

Bul ósimdi dárigerler vaksınasıanyń tómen qarqynymen, koronavırýstyń "delta" shtammynyń taralýymen baılanystyrady. 

Oblys bas sanıtar dárigeriniń orynbasary Arman Kýshbasovtyń aıtýynsha, sońǵy ýaqytta kúnine 200-300 adam ǵana ekpe saldyrǵan. Bul epıdemıologıalyq jaǵdaıǵa teris áser etip otyr.

– Eki aptadan beri SQO "qyzyl" aımaqta. Eger aýrý deńgeıi azaımasa mekemelerdiń jumysyn toqtatyp, lokdaýn jarıalaýymyzǵa týra keledi. Árıne bul májbúrli shara, sebebi naýqastar sanynyń kóbeıýi medısınalyq mekemelerge salmaq túsirýi múmkin,  – dedi Arman Kúshbasov.