"Aýǵanstannyń ońtústigindegi Kandagar qalasynda shııtter meshitinde jarylys bolyp, sonyń saldarynan keminde 32 adam qaza taýyp, 45 adam jaralandy" dep habarlady provınsıanyń densaýlyq saqtaý qyzmetkerleri.

Jarylys juma kúni, tústen keıin qaladaǵy shııtterdiń eń úlken  Bıbı Fatıma meshitinde boldy.

Aýǵanstan ishki ister mınıstrliginiń ókili Saıed Hostı Tvıtterde "Qandagar qalasynyń birinshi aýdanyndaǵy shıit baýyrlastardyń meshitinde jarylys bolyp, onda bizdiń kóptegen otandastarymyz sheıit bolyp, jaralandy. Talıban arnaıy jasaqtary oqıǵanyń sıpatyn anyqtaý jáne kinálilerdi jaýapqa tartý úshin aımaqqa keldi" dep jazdy ol.

Kýágerler úsh jarylysty estigenin aıtty, biri meshittiń negizgi esiginde, ekinshisi ońtústik aımaqta, úshinshisi jýynatyn jerde bolǵan.

Olar tórt jankeshti meshitke shabýyl jasaǵanyn jetkizdi.

Kýágerler meshittegi juma namazyna ádette 500-ge jýyq adam qatysatynyn aıtty.