Onlaın habarlandyrý platformalarynyń birinde mektep túlegi "Altyn belgi" medalin 2 mıllıon teńgege satýǵa qoıǵan, dep habarlady "Nasha gazeta" basylymy.

Habarlandyrý saıtta jarıalandy, onda Qostanaı qalasy belgilengen.

– 2 mıllıonǵa satamyn, jańa. Bilesiz be, bul eksklúzıv medal, qazir mundaılar kóp emes! Eger satyp alsańyz, 1,5 mıllıonǵa beremin, – dep jaýap berdi habarlandyrý avtory telefon arqyly áńgimelesý kezinde.

Onyń aıtýynsha, ol mektepti bıyl bitirgen. Medal ıesi ózin tanystyrýdan bas tartqan. Estelik zatty ne sebepti satqaly jatqanyn da túsindirmegen.

Eske salsaq, 2020-2021 oqý jylynyń qorytyndysy boıynsha 9 738 túlek "Altyn belgi" ıegeri atanǵan. Ótken jyldardaǵy kórsetkishpen salystyrǵanda bul rekord bolyp sanalady.

Bıyl Qazaqstanda jańashyldyq engizildi. Endi "Altyn belgige" úmitkerlerdiń emtıhan jumystaryn mektep emes, bilim basqarmasy janyndaǵy komısıa qaraıdy. Oqý ozattarynyń tizimi osy komısıa shyǵarǵan sheshimnen keıin bekitiledi.