Koreıa respýblıkasynyń Chondjoý qalasynda eki qazaqstandyq ózara janjaldasyp,  saldarynan bireýi kóz jumdy. Bul týraly syrtqy ister mınıstrliginiń resmı ókili Aıbek Smadıarov málim etti.

– 2021 jylǵy 12 qazanda Chondjý qalasynda (Koreıa Respýblıkasy) Qazaqstannyń eki azamaty arasynda bolǵan turmystyq janjaldyń saldarynan bireýi pyshaq jaraqatyn alyp, sońynan qaıtys boldy.

Qazirgi ýaqytta kisi óltirdi degen kúdikti Qazaqstan azamaty tutqyndalyp, tergeý ızolátoryna qamaldy. Seýldegi QR elshiliginiń konsýldyq bólimi marqumnyń denesin Qazaqstanǵa jiberý máselesin sheship jatyr, – dep málim etti Aıbek Smadıarov.

Onyń aıtýynsha, atalǵan qazaqstandyq azamattar Ońtústik Koreıada zańsyz jumys istep júrgen.