Peseı syrtqy ister mınıstri Sergeı Lavrovtyń aıtýynsha, Máskeý NATO-daǵy dıplomatıalyq mısıasyn toqtatady.

Sonymen qatar, NATO-nyń Máskeýdegi keńsesiniń qyzmetkerleri qarasha aıyna deıin akredıtasıadan aıyrylady.

NATO osy aıdyń basynda Máskeýdiń segiz dıplomaty barlaý ofıseri bolyp jumys isteıtinin aıtyp, Reseı mısıasynan shyǵaryp jibergen.

NATO men Reseı arasyndaǵy qarym-qatynas Máskeý 2014 jyly Ýkraınanyń Qyrym túbegin aneksıalap alǵannan keıin shıelenisken.

Lavrov reseılik BAQ-qa NATO qyzmetkerleriniń akredıtasıadan aıyrylatyny "NATO-nyń áreketterine jaýap" ekenin rastap, áskerı alánsty "ádiletti dıalogqa múddeli emes" dep aıyptady.

"Eger NATO múshelerine shuǵyl máseleler týyndasa, olar osy suraqtar boıynsha bizdiń Belgıadaǵy elshimizge habarlasa alady" dep keltiredi Lavrovtyń sózin reseılik BAQ.

Habarlamadan keıin NATO Reseıdiń sheshimine nazar aýdarǵanyn málim etti.

"NATO-nyń Reseıge qatysty saıasaty turaqty bolyp keledi. Biz Reseıdiń agressıvti áreketterine jaýap retinde tejeý ​​men qorǵanysty nyǵaıttyq, sonymen birge biz dıalogqa ashyqpyz" dedi NATO ókili Oana Lýngeský.