1000-ǵa jýyq ertegi jınaqtalǵan "Orda  ertegileri" kitaby tanystyryldy

/image/2021/10/21/crop-18_175_869x1545_img_4536.jpg

Nur-Sultandaǵy Ulttyq akademıalyq kitaphanada "OrdaGen" áleýmettik-tanymdyq jobasynyń "Orda  ertegileri" kitabynyń tusaýkeseri ótti.

OrdaGen jobasy ulttyq jáne adamzatqa ortaq bıik qundylyqtardy jańa tehnologıalar formatyna ıkemdep, ańyzdar men ertegiler arqyly bolashaq urpaq sanasyna sińirýdi kózdeıdi.

Búginge deıin joba aıasynda 1000-ǵa jýyq zamanaýı ertegi jazylyp, ár erteginiń aýdıonusqasy daıyndalǵan. Úsh túrli taqyrypta qysqametrli múltfılm túsirilip, "OrdaGen" mobıldi qosymshasy paıdalanýǵa berilgen.

– Biz munymen toqtamaımyz. Aldaǵy ýaqytta búldirshinderimizge OrdaGen-niń tanymdy dúnıelerin usynyp, ult úshin qyzmet ete beremiz. OrdaGen – 30-ǵa aıaq basqan azamattardyń táýelsizdiktiń 30 jyldyǵyna arnaǵan syı̆lyǵy, – deıdi OrdaGen jobasynyń dırektory Parasat Tánen.

Jańa oqý jylynyń qarsańynda "OrdaGen" kompanıasynyń qoldaýymen ELTANU ekspedısıasy bastalǵan. Ekspedısıa aıasynda Qazaqstannyń ár óńirin, shalǵaıdaǵy aýyl-aımaqtardy aralap, kitapsúıer balalarǵa syı úlestirilgen. Bala bolashaǵyna azyq bolar tanymdyq, rýhanı qoldaý men tulǵalyq damý trenıńteri ótkizilgen.

"Saparǵa OrdaGen jobasynyń da qosqan úlesi zor. Ekspedısıa quramyndaǵy jigitter ár óńirdegi talantty ul-qyzdarǵa OrdaGen-niń ertegi kitaptary men Daryn Online respýblıkalyq bilim berý platformasynyń daıyndyq kýrstaryn syıǵa tartqan" delingen joba tarapynan taratylǵan aqparattyq habarlamada

– El prezıdenti Qasym Jomart Toqaevtyń  2021 jyldy "Balalar ádebıeti" jyly dep jarıalaýy bala tárbıesine asa zor kóńil bólýimiz kerek ekenin kórsetýde. Prezıdent jarlyǵyn negizge ala otyryp, Bugin Holding qoldaýymen Orda Joly bilim ekspedısıasy Qazaqstannyń ár óńirin aralap, kózinde oty bar órenderge OrdaGen jobasynyń alǵashqy ertegi kitaptaryn úlestirdi, – dedi Ordagen jobasynyń negizin qalaýshy Aıbek Qýatbaı.

Aıbek Dýanbaı

Kitap tusaýkeserine májilis depýtaty Darhan Myńbaı, Balapan telearnasynyń dırektory Qymbat Dosjan, Aqparat jáne qoǵamdyq damý mınıstriniń keńesshisi Maksım Rojın, pedagogıka ǵylymdarynyń kandıdaty, dosent Bıjan Igenbaeva, Jas Otan JQ tóraǵasy Nurjan Jetpisbaı, Jaidarman JQB prezıdenti Esen Eleýken, Qoǵamdyq komýnıkasıalardy damytý basqarmasynyń basshysy Svanbaeva Aqmaral, bloger Órken Kenjebek, BTS Education negizin qalaýshy Saıasat Nurbek, jýrnalıs Asqat Sadyrbaı, «OrdaGen» jobasynyń negizin qalaýshy, ıdeıa avtory Aıbek Qýatbaı, joba dırektory Parasat Tánen, Bugin Holding jobalarynyń bas keńesshisi Sadyq Sherimbek qatysqan.

Pikir qaldyrý

Qatysty Maqalalar