Qazaqstannyń bas sanıtar dárigeri Erlan Qıasov koronavırýs ınfeksıasynyń aldyn-alý maqsatynda jańa qaýly jarıalady.

Qaýlyǵa saıkes, eldegi oblystar, Nur-Sultan, Almaty, Shymkent qalalarynyń ákimderine 12-den 18 jasqa deıingi jasóspirimderdi, júkti áıelderdi jáne laktasıa kezeńindegi áıelderdi koronavırýsqa qarsy vaksınasıalaýdy uıymdastyrý tapsyryldy. 

Sondaı-aq 2021 jylǵy 1 qarashaǵa deıin "Komırnatı" (Pfaızer, AQSH) vaksınasyn qoldana otyryp, KVI-ge qarsy vaksınasıalaýdy uıymdastyrý jáne júrgizý boıynsha aýdandyq, qalalyq jáne oblystyq deńgeılerde medısına qyzmetkerlerin oqytý uıymdastyrylýǵa tıis.

Ádistemelik usynymdardy KVI-ge qarsy vaksınasıalaýdy uıymdastyrýǵa jáne júrgizýge tartylǵan barlyq medısına qyzmetkerleriniń nazaryna jetkize otyryp, densaýlyq saqtaý júıesiniń barlyq deńgeılerinde jumys toptary qurylýy kerek;

• Medısınalyq uıymdar úshin «Komırnatı» vaksınasyn saqtaý jáne paıdalaný máseleleri boıynsha standartty operasıalyq rásimderdi daıyndaý qamtamasyz etilýi kerek.

Qaýly 21 qazannan bastap qoldanysqa enedi.