Shymkent qalasynda jyl basynan beri memlekettik turǵyn úı baǵdarlamalary aıasynda 3 myńǵa jýyq otbasy baspanamen qamtylǵan.

- Jyl saıyn kezekte turǵan azamattarǵa páterler belgilengen tártippen úlestirilip keledi. Osy jyldyń basynan turǵyn úı kezeginde turǵan 682 otbasy arendalyq pátermen qamtylǵan bolsa, jyl sońyna deıin osy baǵytta 294 otbasyǵa baspana beriledi, - dedi turǵyn úı basqarmasynyń basshysy A.Rysjanov óziniń ákimge bergen 9 aılyq esep qorytyndysy kezinde.

«Otbasy bank» arqyly «5-20-25» baǵyty boıynsha kredıttik turǵyn úımen 730 azamat qamtylǵan. Onyń ishinde 261 azamat turǵyn úı kezeginde tirkelgender. Shymkent qalasyndaǵy ekinshi deńgeıli bankter arqyly jyl basynan beri 1362 azamat nesıe arqyly rásimdeı otyra baspanaly boldy. Jyl sońyna deıin kredıttik turǵyn úımen 4 413 otbasyny qamtý josparlanýda.

«2-10-20 «Baqytty otbasy» baǵdarlamasy aıasynda 158 otbasy nesıe negizinde turǵyn úımen qamtylyp, onyń ishinde 73 otbasyǵa alǵashqy jarnasynyń bir bóligin jabýǵa turǵyn úı sertıfıkaty berildi. Aldaǵy ýaqytta da bul jumystar jalǵasyn tabady.

Tabys kórsetkishi az turǵyndardy qoldaý maqsatynda jergilikti bújet esebinen aldaǵy jylǵa 500 mln. teńgege turǵyn úı sertıfıkattaryn áleýmettik kómek retinde qaıtarymsyz berý qarastyrylǵan. Qaıtarymsyz turǵyn úı sertıfıkaty boıynsha 902 ótinim qabyldana otyryp, 311 ótinim – 274 mln.teńgege maquldanǵan.

Shymkent qalasynyń Aqparattyq-kommýnıkasıalyq ortalyǵy