Shymkent qalasy Qarataý aýdany ákimi apparaty «Qazaqstan Respýblıkasyndaǵy Til týraly» zań talaptarynyń saqtalýy boıynsha qurylǵan monıtorıńtik top josparǵa sáıkes nysandardy aralady.

Atalmysh top memlekettik jáne memlekettik emes mekemelerde ornalasqan til zańnamasynyń talaptaryna sáıkes kelmeıtin jarnama ónimderi men kórneki aqparat mátinderindegi qatelerge jáne olardyń saýatty ornalasýyna, halyqa sapaly qyzmet kórsetý tili men sapasyna monıtorıń júrgizdi.

Olar aýdan aýmaǵyndaǵy «Nursát» turǵyn alabynda ornalasqan kásipkerlik nysandar men qoǵamdyq tamaqtaný oryndarynda boldy. 30-dan astam kásipkerlik nysan aralanyp, kemshilik oryn alǵan 12 nysan ákimshiligine eskertý berildi. Sondaı-aq, 10 kún merzim ishinde kemshilikterdi retke keltirý boıynsha tapsyrma berildi. Jalpy aýdan aýmaǵynda 939 kásipkerlik nysan ornalasqan.

Tekserý jumystarynyń barysynda QR «Til týraly» zańynyń 21- babynda kórsetilgen talaptarǵa saı kelmeıtin birqatar kórneki aqparat mátinderi anyqtaldy. Kemshilikter anyqtalǵan mekeme basshylarymen túsindirý jumystary júrgizilip, usynystar berildi. Sondaı-aq, barlyq saýda oryndarynda eki tilde qyzmet kórsetý, olardyń mańdaıshalary men mázirleriniń Zań talaptaryna sáıkestendirý kerektigi túsindirildi.