Búgin memleket basshysy Qasym-Jomart Toqaevtyń tóraǵalyǵymen ótken Qazaqstan halqy Assambleıasy Keńesiniń keńeıtilgen otyrysynda halyqty el birligin nyǵaıtýǵa shaqyrdy.

Alqaly jıynda Qazaqstan halqy Assambleıasy janyndaǵy Analar keńesine janjaqty qoldaý qajet ekendigin aıtyp ótti. Bul qýantarlyq jaǵdaı. Sebebi qazirgi tańda otbasylyq ómir qıyndyqtary, sany artyp kele jatqan ajyrasý, turmystyq zorlyq-zombylyq, jasóspirimder arasynda qol jumsaý, nashaqorlyqtyń keń taralýy, ınternetke táýeldilik máseleleri beleń alyp jatyr. Osy baǵyttaǵy jumystar Analar keńesi atqarar basty mindetterdiń biri.

Qazirgi tańda, Shymkent qalasynda 13 Analar keńesteri jumys jasaıdy. Onyń ishinde: 1-qalalyq, 4-aýdandyq, 8 - etnomádenı birlestikter janynan qurylǵan. Músheleriniń jalpy sany - 117 adamdy quraıdy.

Analar keńesi músheleri jumysynyń negizgi baǵyttary:

- Otbasy qundylyqtaryn saqtaý, damytý jáne ana bolý ınstıtýttaryn nyǵaıtý;

- Erli zaıyptylardyń ajyrasýynyń aldyn-alý;

- Turmystyq zorlyq-zombylyqtyń aldyn-alý;

- Jasóspirimder arasynda quqyq buzýshylyqtyń aldyn-alý;

- memlekettik tildi jastar arasynda nasıhattaý jáne ilgeriletý;

- Ulttyq qundylyqtardy, dástúrlerdi jańǵyrýtýǵa baǵyttalǵan is-sharalar uıymdastyrý bolyp tabylady.

Joǵaryda atalǵan baǵyttar boıynsha 2021 jyly 80-ge jýyq is -sharalar ótkizildi. İri jobalarǵa toqtalatyn bolsaq, «Ulttyq tárbıe – ult bolashaǵy», «Analar – shańyraq shýaǵy», «Qyz – eldiń kórki», «Bala tárbıesi ana boıynan bitkennen bastalady», «Birge kúlip shattanaıyq!», «Aq oramal», «Qazaqtaný» syndy birqatar tárbıelik baǵyttaǵy jobalar  iske asyrylyp keledi.

Búgin Qazaqstan halqy Assambleıasynyń keńeıtilgen keńesinde Prezıdentimiz Analar keńesiniń jumysyn jandandyrýǵa úlken senim artyp, birqatar naqty tapsyrmalar júktedi.

Aq jaýlyqty analarymyzdyń ónegesin dáriptep, ulttyq tárbıeni tıanaqty paıdalanatyn ýaqyt jetti. Aldaǵy ýaqytta osy baǵyttaǵy jumystardy júzege asyrý boıynsha birqatar jobalardy qolǵa alamyz.

Sebebi urpaq tárbıesi – ult bolashaǵy.

Shymkent qalasy Qazaqstan halqy

Assambleıasy janyndaǵy Analar keńesiniń

tóraıymy B.Kómekbaeva.