Shymkent qalasyndaǵy Abaı aýdanynda 34 eldimeken bolsa, ondaǵy turǵyndardyń barlyǵy elektr jaryǵymen qamtylǵan. Onyń ishinde 8 eldi meken sapaly elektr energıasyn jetkizýdi qajet etedi.

Osyndaı aýmaqtyń biri – «Aıkól» eldi mekeni. Búginde turǵyndardy sapaly elektr qýatymen qamtý boıynsha qurylys jumystary júrýde. Bul jumystardy osy jyldyń shilde aıynda merdiger mekeme «Jolserik» JSHS-gi bastaǵan. Osy ýaqyt ishinde elektr baǵanalaryn ornatylyp, uzyndyǵy 6 shaqyrym bolatyn elektr symy tartyldy. Qazirgi tańda, qurylys jumystarynyń 97 paıyzy aıaqtaldy. Jyl sońynda eldimekendegi 332 adam sapaly eletkr energıasymen qamtylatyn bolady.

Aıkól eldi mekeni Abaı aýdanyna 2014 jyly Saıram aýdanynan qosylǵan. Mundaǵy 66 úı búgingi tańda jekeniń menshigindegi elektrdi tutynyp otyr. Sonymen birge aldaǵy jyldary atalǵan aýmaq taza aýyz sýmen jáne kógildir otynmen qamtylady.

Jalpy Abaı aýdanynda Nurshýaq, Jańatalap, Yntymaq-2, Batys, Aıkól, Igilik, Táýelsizdikke 20 jyl, Aqjar eldi mekenderin sapaly elektrmen qamtý jumystary júrgizilýde. Qurylys jumystarynyń birqatary jyldyń sońynda aıaqtalsa, birnesheýi keler jylǵa ótpeli. Osylaısha, 2022 jyly aýdan sapaly elektr energıasymen 100 paıyz qamtamasyz etiledi.