Shymkent qalasyndaǵy Aqnazar han kóshesinde ortasha jóndeý jumysy sáýir aıynda bastalǵan bolatyn. Búginde qurylystyń 50 paıyzy aıaqtalyp, paıdalanýǵa berý merzimi kúzdiń sońǵy aıyna josparlanǵan.

Jóndeý jumystaryn «Bazıs-K» JSHS-i atqarýda. Jalpy uzyndyǵy 2,28 shaqyrymdy quraıdy. Joldyń tómengi túzetý qalyńdyǵy 4 sm bolsa, al asfált betonnyń betki qabaty 5 sm etip tóseledi.

Bul kóshede sońǵy jóndeý jumysy 2011 jyly júrgizilgen. Jolaýshylar kóligi jáne avtomabıl joldary basqarmasynyń málimdeýinshe, qaladaǵy magıstraldy kóshelerdi jóndeýdiń aralyq merzimi bes jyldy quraıdy.

Zerdeleý jumysy nátıjesinde kóshede bordúrlardy aýystyrý qajettiligi týyndaǵan. Jańadan tóseletin asfáltobeton eski joldan 3-4 sm joǵary bolady. Bordúrdiń qaýipsizdik 15 sm bıiktigin saqtaý maqsatynda jańasyna aýystyrylady.

Osy jyly qalada barlyǵy 182 kóshe ortasha jóndeýden ótkizilýde.