Búgin Shymkent qalasynyń ákimi M.Áıtenov «Kómeshbulaq» sý jınaqtaýshysynan «Turan» shaǵynaýdany aınalma jolyna deıingi úsh magıstraldy sýaqqynyń qurylys alańyna bardy.

Sý jınaqtaýshysynan bastap aınalma jolǵa deıin uzyndyǵy 4,48 shaqyrym bolatyn sý tartqyshynyń eki jelisin salý jumystary júrgizilýde. Bas merdiger – «Saryaǵash-Aman» JSHS. Qurylys jumystary 2020 jyldyń mamyr aıynda bastalǵan. Merdiger mekeme qurylysty bıyl qarasha aıynda aıaqtaýdy josparlap otyr.

Sý qubyrlarynyń uzyndyǵy – 11,3 shaqyrym. Búginge deıin 10,1 shaqyrym qubyr jumystary aıaqtaldy.

Qala ákimi jaýapty merdigerlerge jumysty sapaly ári tıisti merzimde aıaqtaýdy tapsyrdy.

Jalpy qalada 3 magıstraldy sý qubyrynyń qurylysy júrgizilip otyr. Bul nysandar paıdalanýǵa berilgende Asar-2, Shymsıtı, Turan, Dostyq, Soltústik saıajaı, Yntymaq, Yntymaq-2, Batys, Qyzyljar, Igilik, Jańatalap, Jańa Turlan, Táýelsizdikke 20 jyl, Kókbulaq turǵyn alaptaryndaǵy 250 myńǵa jýyq halyq úzdiksiz sapaly aýyz sýmen qamtylady.